Budi Daya 9

BUDI DAYA - MEI KARTAWINATA

saptu,21 mei 2022

TA'UDZ - 

Budi Daya 9

Udagan sakabeh kitab nu nyungsi ka Agamaan teu aya deui ngan ka hiji kalimah Ta'udz (nekadkeun rek nyalindung ka Wujud 

nu Maha Suci, ngajauhan lakuning setan), karana ku anggapan mahluk saumumna lamun bisa ngajalankeun ku praktijk 

sacara anu dicaritakeun di luhur teh 

matak mawa kana kasalametan 

ti dunya nepi ka akherat. 

Mangga susul sadaya kitab 

teangan huruping asal 

nu sok dianggo patokan adegan elmu, 

atawa ku anu ngaji Haq mah 

disurupkeun ka gumulungna sifat 20 , 

nya-eta huruh ALIF (1). 

Tah jadi nyatana kalimah Ta'udz teh 

aya dina sajroning ALIF. 

Alif dianggo patekadan urang 

kudu lempeng Tauhidna ka Allah ta'ala, mangke panggih jeung pantona kalimah Ta'udz, lamun bisa mukana 

kakara urang ngancik 

dina Sipatna tujuan agama.

Mun urang hayang kapanjingan mujizat, 

ieu kalimah Ta'udz teh kudu dibeuli, 

dibeulina lain ku duit, lain ku tirakat, 

lain ku mindeng dibaca, 

tegesna lain ku katheorian, 

tapi kudu ku lampah 

nu nyumponan kana perjangjian 

nu geus diucapkeun ku biwir 

nu ngucapkeunnana, 

tegesna laku lampah urang salawasna 

kudu ngajauhan hawa nafsu setan.

Kayakinan ieu kalimah 

ceuk nu bohong tangtu bohong, 

jeung ceuk nu enya tangtu enya, 

sabab ceuk sabagian jalma, 

aya nu nyebut yen dunya teh bohong (panipuan).

Nya buktina loba nu sok ngucapkeun 

eta kalimah, 

maksudna dipake nyinglarkeun jurig, 

tapi jurig teu daekeun indit, 

tegesna jurig - jurig, 

kalimah - kalimah.

Tah kitu kayakinannana jelema nu ngagugulung sarta ngabohongkeun ka dunya. 

Naon sababna? 

Ari sababna nya-eta kulantaran 

ku salah paham, 

marukannana lamun urang 

ngucapkeun Ta'udz teh tuluy ku Gusti Allah setan-setan nu deukeut ka urang teh dijauhkeun, 

teu boga rasa yen manehna sorangan 

(anu ngucapkeun) kudu boga tekad 

ngajauhan hawa nafsu setan.

Ari saenya-enyana mah 

dunya teh teu bohong (wereld is natuur), 

anu bohong mah anging nu ngucap, 

buktina sok sulaya tina nu diucapkeun, 

geuning loba pisan anu 

Ta'udz bari maen, 

Ta'udz bari lacur, 

Ta'udz bari gelut, 

jeung sajaba ti eta, 

jadi ana kitu sarua bae jeung urang dikir 

bari ngigel, babacan bari nyekel kartu, 

jadi bohongna teh meureun bae 

da sulaya tekad jeung ucap pa'aing-aingan, geura lamun prak mah ucap jeung lampah teh ngagulung sa'aleutan 

nyungsi ka arah ka Allah an 

tangtu urang bakal percaya 

yen kaayaan dunya teh bener, 

sarta urang yakin yen Pangeran 

baris masihan mujizat 

anu bakal hargana leuwih 

ti batan pangajina dunya brana, 

anu matak lamun ku urang geus kaharti 

moal mang-mang deui 

nyebut ka Gusti Allah teh 

anu ngagaduhan sipat welas jeung asih , 

sabab bukti ti baheula nepi ayeuna 

saha-saha anu ngajalankeun hade 

bakal dibalesna ku kahadean, 

jeung anu ngajalankeun goreng 

bakal dibalesna ku kagoreng.